Lettera per la concessione dell’indulgenza dell’arcivescovo di Benevento (1271/08/13)

2
LITTERAE INDULGENTIAE ARCHIEPISCOPI BENEVENTANI

1271, agosto, 13. Benevento
Capuferrus, arcivescovo eletto di Benevento, concede una indulgenza di quaranta giorni a tutti i fedeli che visiteranno la chiesa di S. Cristina di Sepino il giorno della festa annuale della Santa; sottoscrivono i vescovi di Ariano, Alife, Larino, Sant’Agata dei Goti, Frigento, Ascoli Satriano ed Avellino.

Trascrizione

Universis Dei fidelibus presentes licteras inspecturis Capuferrus miseratione divina humilis Beneventanus electus salutem et sinceram in Domino / caritatem. Quoniam, ut ait Apostolus, omnes stabimus ante tribunal Christi reddituri prout unusquisque gessit in vita sua congruam / rationem, oportet nos diem messionis extreme bonis operibus prevenire ac eternorum intuitu seminare in terris quod redente Domino / [cum] multiplicato fructu recolligere possimus in celis, firmam spem fiduciamque tenentes quoniam qui parce seminat parce / [m]etet et qui seminat in benedictionibus de benedictionibus et metet vitam eternam. Cum igitur salubre et meritorium sit / [..]gulis divinis ecclesias in eorum festivitatibus visitare et quedam ecclesia in castro Sepini ad honorem beate Cristine sit con / constructa ut ibi pro salute fidelium propitiationis hostia offeratur, [………………….]
nostra monemus et rogamus / in Domino exortantes quatenus ob reverentiam Dei et vestrarum animarum salutem in die festivitatis beate Cristine annis / singulis dictam ecclesiam frequenta¬re et visitare velitis; et ut propter hec talia bona que Domino in¬spirante fece / ritis celestis vite premium consequi valeatis, nos autem de omnipotentis Dei misericordia glorioseque matris eius ac beatorum / apostolorum Petri et Pauli et beati Bartholomei, cuius patrocinium gloriamur, meritis confidentes, omnibus vere penitentibus / et confessis qui in die festivitatis ecclesie prelibate nominatam ecclesiam visitare pie devoteque curaverint, .XL. / dies de iniuncta sibi penitentia in Domino misericorditer relassamus, rogantes subscriptos episcopos, quorum sigilla / sunt presentibus apponenda, ut eorum quilibet indulgentiam similiter largiatur. Datum Beneventi .XIII. Augusti / XIIII indictionis, anno Domini .MCC. septuagesimo primo, per mortem domini Clementis pape apostolica sede vacante. /

Ego N. Arianensis episcopus .XL. dierum indulgentiam concedo.
Ego Alifanus episcopus .XL. dierum indulgentiam concedo.
Ego N. Larinensis episcopus .XL. dierum indulgentiam concedo.
Ego Sancta Agathensis episcopus .XL. dierum indulgentiam concedo.
Ego G. Frequentinus episcopus .XL. dierum indulgentiam concedo.
Ego Benedictus Asculanus episcopus .XL. dierum indulgentiam concedo.
[Ego] [A]vellinensis episcopus .XL. dierum indulgentiam concedo.